Kategoria Superiore futet këtë fundjavë në fazën e saj të fundit, që është rrjedhimisht edhe ajo e dhënies së verdikteve. Pikërisht për këtë arsye, klubi i Luftëtarit ka vendosur të kërkojë ndihmën e tifozëve për takimet e mbetura, për të synuar renditjen në zonën europiane.
Nëpërmjet një njoftimi në faqen zyrtare në Facebook, klubi gjirokastrit njoftoi se hyrja në stadium do të jetë falas, duke ftuar tifozët që të mbushin shkallët. Në njoftim evidentohet se me pagesë do të jenë vetëm dy tribunat qendrore, A dhe B, ndërsa pjesa tjetër do të jenë me porta të hapura.