Kategoria Superiore rikthehet në ekranin e Superpsort pas ndërprerjes së shkurtër të kampionatit, me ndeshjen hapëse të javës së 10-të, Luftërari – Teuta, që do të nisë në orën 14:00 dhe do të transmetohet drejtpërdrejt në Supersport 3. Një sfidë delikate për të dyja skuadrat, që kanë grumbulluar të njëjtën kuptë pikësh në 9 javët e para, 8, dhe synojnë t’i largohen sa më shpejt zonës së ftohtë. Luftëtari vjen në këtë përballje me moral të lartë pas fitores 2-0 me Lushnjën, ndërsa Teuta humbi 2 pikë në shtëpi me Lacin, duke mos qenë e aftë të ruante avntazhin që e arriti me Dedic. Duke iu referuar siuatës aktuale, mund të konsiderohet edhe një sfidë e drejtpërdrejtë për mbijetesë, edhe pse është herët të folur për objektivat përfundimtarë. Trajneri i Luftëtarit, Hasan Lika, e pret si një ish Teutën, pasi në të kaluarën e ka drejtuar në periudha të ndryshme ekipin durrsak. Lika do t’i ketë të gjithtë futbollistët në dispozicion, teksa në vijën e parë të sulmit pritet t’i besojë Lamces, i cili do të jetë i mbështetur nga Abazaj, Bregu dhe Rroca. Në krahun tjetër Gugash Magani ka vetëm një mungesë, të pezulluarin Hila, në vend të të cilit pritet të aktivizohet Cmajcanin.
E mërkurë
Luftëtari – Teuta (14:00)
E enjte
Laçi – Partizani (14:00)
Kamza – Kukësi (14:00)
Flamurtari – Skënderbeu (17:00)
22 nëntor
Vllaznia – Lushnja (14:00)
