Në shtëpinë e Lazios kanë plasur polemikat në distancë mes presidentit Claudio Lotito dhe mesfushorit spanjoll Luis Alberto, i cili është me pushime në vendlindjen e tij.
Ka qenë një deklaratë e Lotiutos, i cili i pyetur mbi një largim të mundshëm të spanjollit, deklaroi se “futbollistët janë e vetmja gjë që nuk mungojnë në botën e futbollit”, fjalë këto që nuk janë pritur aspak mirë nga Luis Alberto.
“Nuk e kuptoj dhe nuk arrij të gjej çfarë ka dashur të thotë Lotito me këtë deklaratë, që të them të drejtën, më ka nervozuar. Dy ditë më parë dukej se isha i pashitshëm dhe tani jo më. Kemi fituar dy tituj dhe me këto deklarata ai rrezikon të zhvlerësojë futbollistët e tij. Të shohim çfarë do të ndodhë, pasi me Simone Inzaghin kam një marrëdhënie përtej futbollit dhe më ka konfirmuar se jam pjesë e projektit të tij”, tha spanjolli.