Connect with us

Hi, what are you looking for?

Featured

Luis Enrique: Futbolli është i çuditshëm, tani dua vetëm një gjë

Luis Enrique nuk e bën dramë eliminimin me Marokun në fazën e 1/8-ave të Kupës së Botës dhe madje gjen kohën për të komplimentuar kundërshtarët e për t’u uruar sukses në fazën çerekfinale.

Trajneri i Spanjës pranoi se skuadra e tij bëri gjithçka mirë, përveç finalizimit, teksa tha se kundërshtarët u shfaqën superiorë vetëm në një pikë, atë të lotarisë së penalltive, ku u treguan më të qetë.

“Ne jemi Spanja dhe duhet ta prezantojmë vendin tonë në të gjithë dimensionet, ndaj i urojmë suksese Marokut për kualifikimin në çerekfinale. Futbolli është një sport i mrekullueshëm, por pak i çuditshëm, pasi kundërshtari bëri më mirë se ne vetëm te lotaria e penalltive. Dominuam gjithë ndeshjen, por në fund e shohim veten jashtë. Tre gjuajtësit e parë i zgjodha unë, por Bono është një portier i madh dhe e tregoi edhe sonte. Keqardhje pasi bëmë shumë mirë, por duhet të presim një tjetër mundësi”, u shpreh Luis Enrique.

Nuk ka munguar as ngacmimi ndaj trajnerit katalan të Spanjës, në lidhje me të ardhmen e tij në stolin e “Furia Roja”-s, por vetë Luis Enrique shmangu gjithçka me diplomaci.

“Për momentin e vetmja gjë që dua, është të kthehem në shtëpi dhe të takoj familjarët e mi. Tani nuk është momenti, pasi duhet që si fillim të përtyp këtë eliminim. Më pas, javën e ardhshme do të ulemi të diskutojmë”, u shpreh trajneri i Spanjës.

Lajme të tjera

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Segunda Division

Myrto Uzuni rikthehet vrullshëm. Pas dy ndeshjes mungesë për shkak dëmtimi, sulmuesi i Kombëtares Shqiptare është rikthyer titullar në sfidën Granada-Andorra dhe ka shënuar...

Eliminatore

Pasi mbylli aventurën me Portugalinë, tashmë trajneri Fernando Santos është prezantuar te Polonia. Tekniku portugez do ë provojë të polakët në Europianin e vitit...

Futboll

El Mundo Deportivo ka zbuluar një prapaskenë interesante që ka lidhje me Cristiano Ronaldon dhe Leo Messin. Sulmuesi portugez ishte ende pjesë e Real...