Connect with us

Hi, what are you looking for?

Premier League

Lukaku-Ibra, nuk mund të luajnë bashkë

Manchester United u ndal sërish në barazim 2-2, i dyti në pak ditë dhe me të njëjtin rezultat. ‘Djajtë e kuq’ shmangën me vështirësi një humbje turpëruese ndaj Burnleyt në shtëpi, me miqtë që arritën të kalojnë në avantazh të 2 golave në pjesën e parë.

Trajneri i Manchesterit, Jose Mourinho përfundoi sërish në qendër të kritikave, pas kësaj sfide, duke u etiketuar nga analistët si përgjegjësi kryesor i këtij rezultati. Kritikat e analistëve ndalen te aktivizimi në sulm i dyshes Lukaku-Ibrahimoviç, që edhe sot treguan se nuk mund të luajnë së bashku.

Belgu dhe suedezi luajtën bashkë për 45 minuta, por të 2 kanë karakteristika të ngjashme dhe vazhdimisht synonin thellësinë e qëndronin pranë njëri-tjetrit, duke lehtësuar punën për mbrojtësit e Burnleyt.

Gjatë 45 minutave të para, Manchesteri krijoi shumë volum loje, por vuante në metrat e fundit, ku asnjë prej 2 qendërsulmuesve nuk dilte nga zona, për të tërhequr mbrojtjen dhe krijuar hapësira.

Në fillim të pjesës së dytë, Mourinho hodhi në lojë Lingard, për Ibrën dhe ‘djajtë e kuq’ u bënë menjëherë të rrezikshëm, duke shënuar dy herë me anësorin anglez.

Takimi me Burnleyn ishte një leksion mjaft i qartë për Mourinhon, që të mos e çojë ndërmend të aktivizojë në të njëjtën kohë Lukakun dhe Ibrën, pasi është një eksperiment i dështuar që në nisje.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...