Lushnja nuk po di të dalë nga kriza, ndërsa edhe në sfidën e javës së tretë të Kategorisë së Parë, atë ndaj AF Elbasanit ka dalë me zero pikë, duke vuajtur në fund të renditjes.
Ky takim u mbyll me rezultatin 0-1, me të vetmin gol që për miqtë e realizoi Karakaçi në minutën e 45’.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Vendasit tentuan që të gjenin barazimin, por në fund gjithçka u mbyll me rezultatin 0-1, me Lushnjën që pas tre javëve të para renditet në vend të fundit me zero pikë, ndërsa AF Elbasan nga ana tjetër renditet në vend të dytë me shtatë pikë, po aq sa Apolonia e vendit të parë.
Ndërkohë ndeshja tjetër që mbylli këtë raund të Kategorisë së Parë ishte ajo mes Vorës dhe Burrelit që u mbyll me rezultatin 3-1.
Vendasit gjetën avantazhin që në minutën e pestë me Qardakun, ndërsa në minutën e 14’ Avdiu dyfishoi avantazhin e Vorës.
Burreli reagoi me Fetaj në minutën e 69’ dhe ngushtoi diferencën, por vetëm tetë minuta më pas Raboshta shënoi golin e tretë për Vorën dhe vulosi këtë sfidë.
Pas javës së tretë, Vora renditet në vend të katërt me gjashtë pikë, teksa Burreli pozicionohet në vend të 11-të me vetëm një pikë.
