Olympique Lyon dhe Olympique Marseille nuk dinë më të fitojnë. Humbje e papritur në shtëpi për OL që çoi dëm mundësinë për t’u ngjitur në vendin e dytë të renditjes në Ligue 1. Në javën e 16-të të kampionatit, skuadra e Bruno Genesios u mposht me rezultatin 0-2 nga Rennes në një sfidë ku vendosën golat në minutat e fundit të pjesës së parë nga ish Hatem Ben Arfa dhe Siebatcheu. Lyoni nuk arriti të reagonte në pjesën e dytë duke pësuar humbjen e 4-t sezonale në kampionat. Tjetër disfatë edhe për OM që u mposht në transfertën ndaj Nantes me rezultatin 3-2. Golat e Sanson dhe Thauvin ishin të pamjftueshëm që skuadra e Rudi Garcias të merrte diçka në këtë sfidë të vështirë.
