Sfida hapëse e javës së 15-të të Ligue 1, takimi mes Lyon dhe Nice vendoset nga penalltitë. Takimi që u zhvillua në “Parc Olympique Lyonnais” përfundoi me barazimin 1-1, me të dy golat që u realizuan nga pika e bardhë e penalltisë.
Përtej faktit që vendasit luajtën më mirë, ishin miqtë ata të cilët gjetën të parët rrugën drejt rrjetës, duke zhbllokuar sfidën në minutën e 38’, me Pepe që shënoi nga pika e bardhë e penalltisë.
Nice mbajti avantazhin deri në minutën e 89’, moment në të cilin vendasit gjetën golin e barazimit me një gol të Lacazette që ekzekutoi penalltinë për skuadrën e Lyon.
Pas raundit të 15-të, Lyon qëndron në vend të tetë me 21 pikë, ndërsa Nice renditet në vend të nëntë me 20 pikë.
