Olymique Lyon u rikthye te fitorja në Ligue 1 pas humbjes shokuese në mesjavë ndaj Lille dhe e bëri këtë në transfertën ndaj Caen. Pas tre sukseseve radhazi me shifrat e thella 0-5 këtë herë Lyoni u mjafua me një fitore 1-2 që ishte e 4-ta rresht jashtë fushe për skuadrën e Bruno Genesios. Në minutën e 10-të Cornet kaloi në epërsi miqtë ndërsa në të 54-tën Lyoni dyfishoi shifrat me sulmuesin Mariano Diaz që i asistuar nga Memphis Depay mposhti për herë të dytë portierin e Caen. Vendasit rihapën sfidën me golin e Santini në të 90-tën por ishte shumë vonë për të bërë diçka. Me këtë fitore Lyoni u ngjit në kuotën e 32 pikëve po aq sa edhe Monaco.