Në stadiumin Da Luz të Lisbonës Portugalia kishte edhe një tifoze speciale që u solli fat luzitanëve në duelin ndaj Zvicrës. Në shkallët e impiantit të Benficës për të ndjekur ndeshjen që përfundoi me fitoren 2-0 në favor të kampionëve të Europës, ishte edhe mbretëresha e muzikës pop, Maddona. 59-vjeçarja nga Michigani e cila prej kohësh është zhvendosur për të jetuar në Lisbonë nuk mund ta humbiste këtë duel kaq të rëndësishëm për fatet e përfaqësues luzitane.
Në Lisbonë, Maddona është zhvendosur për të ndjekur ëndrrën e djalit të saj 11-vjeçar David i cili synon të bëhet një futbollist profesionist teksa aktualisht aktivizohet me të rinjtë e Benficës. Prania e këngëtares dhe aktores amerikane në stadium ka qenë një stimul më shumë për Cristiano Ronaldon me shokë për të bërë një figurë të mirë ndaj Zvicrës.
