Magjinë e futbollit anglez do të keni mundësi ta ndiqni live dhe ekskluzivisht në ekranin e Digitalb nëpërmjet kanaleve të Supersport edhe për 4 sezonet në vijim për Shqipëri dhe Kosovë. Përveç edicionit 2021-2022 që pritet të nisë pas 10 ditësh, Digitalb ka siguruar të drejtën e transmetimit edhe për sezonet në vazhdim nga viti 2022 deri në 2025-ën duke u dhënë kështu mundësi të gjithë shqiptarëve për të shijuar spektaklin e futbollit anglez në kanalet e Supersport edhe për vitet në vazhdim. Ndeshjet më të forta të çdo jave të klubeve si Manchester City, Manchester United, Chelsea, Liverpool, Arsenal, Tottenham etj do t’i ndiqni vetëm në ekranin tonë. Tifozët e United, City-t, Chelsea-t, Liverpoolit apo Arsenalit nuk do të humbasin asnjë nga sfidat e skuadrave të tyre të preferuara të cilat Digitalb ua sjell në shtëpinë e tyre deri në verën e vitit 2025. Sa shumë supersfida për të gjithë të apasionuarit e futbollit anglez.
