Merkato është kryefjala e momentit, ndërsa Milan dhe Maldini po shqyrtojnë me kujdes tregun dhe po përgatisin terrenin për merkaton e verës.
Sipas raportimeve që vijnë nga Italia, Maldini ka bërë gati listën dhe kampionët e Italisë do synojnë njërin nga, David, Kolo Muani apo Okafor.
Jonathan David i Lille shihet potencialisht si objektivi që mund të realizohet, kjo për faktin se Lille dhe Milan i kanë marrëdhëniet shumë të mira.
Noah Okafor (Salzburg) gjithashtu shihet si një objektiv i mundshëm pasi palët kanë kontaktuar, nisur edhe nga takimi i klubeve në Champions League.
Ai cili, ndoshta për momentin konsiderohet pothuajse mision i pamundur është Randal Kolo Muani. Sulmuesi i Frankfurt tregoi një formë të mirë në Katar dhe për të interesohen disa skuadra dhe kjo mund të komplikojë situatën e kuqezinjve.
Gjithsesi, mediet italiane bëjnë me dije se Maldini do të ndërhyjë me patjetër në merkato, pasi Milan ka nevojë për një sulmues që premton gola dhe energji të reja.