Humbja ndaj Manchester United në derbi ishte vetëm një aksident për Manchester City-n, që vazhdon serinë e fitoreve në Premier League. Pas triumfit ndaj Southampton në mesjavë Citiziens morën një tjetër triumf, pasi fituan 0-3 në transfertën londineze ndaj Fulham, duke e thelluar përkohësisht në 17 pikë diferencën me vendin e 2-të, edhe pse United dhe Leicester kanë zhvilluar nga 2 ndeshje më pak. Golat për City-n në sfidën ndaj Fulham u shënuan të gjithë në pjesën e dytë nga Stones, Gabriel Jesus dhe Sergio Aguero në harkun e 13 minutave. Skuadrës së Pep Guardiolës i mbeten edhe 8 ndeshje për të luajtuar deri në fund të sezonit me fitimin e titullit që tashmë duket një formalitet.
