Connect with us

Hi, what are you looking for?

Premier League

Man. City shpallet kampion dimri, Arsenali vijon ngjitjen në renditje

Man. City shpreson të rinovojë me mesfushorin
Man. City shpreson të rinovojë me mesfushorin

Manchester City mbyll gjysmën e parë të kampionatit anglez në krye, pasi mbrëmjen e sotme ia doli të triumfojë me rezultatin e thellë 0-5 në transfertën ndaj West Bromwich Albion, duke dominuar totalisht nga fillimi në fund.

Skuadra e Pep Guardiolës konfirmohet në një moment të shkëlqyer, pasi regjistroi fitoren e 6 radhazi në kampionat dhe tashmë kryeson me meritë renditjen e Premier League, me plot 41 pikë, një më shumë se skuadra tjetër e qytetit, Manchester United.

“Citizens” shënuan plot 4 herë që në pjesën e parë, dy herë me mesfushorin turko-gjerman Yilkay Gundogan dhe nga një gol me portugezin Joao Cancelo e Riyad Mahrez, ndërsa në pjesën e dytë ishte Sterling që vulosi suksesin me goleadë.

Vijon të bëjë mirë edhe Arsenali, që mori një tjetër fitore mbrëmjen e sotme, pasi mposhti Southampton 1-3 në “St. Mary’s Stadium”. Vendasit zhbllokuan sfidën që në minutën e tretë me anë të Armstrong, por londinezët përmbysën gjithçka që në pjesën e parë me Pepe e Sakha, para se Lacazette të vuloste suksesin me golin e tretë në pjesën e dytë.

Me 5 fitore në 6 ndeshjet e fundit, “topçinjtë” vijojnë ngjitjen në renditje, pasi momentalisht kanë shkuar në vendin e 8 me 30 pikë dhe janë vetëm 5 pikë larg zonës Champions, aty ku edhe synojnë të arrijnë deri në fund.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...