Sulmuesi anësor holandez Tahith Chong vendosi para pak muajsh të rinovojë kontratën e tij me Manchester United, duke zgjatur bashkëpunimin deri në verën e 2022-shit, por pavarësisht kësaj, nuk do të qëndrojë në “Old Trafford”.
Kjo pasi drejtuesit e “djajve të kuq” kanë vendosur ta huazojnë për një sezon të skuadra gjermane e Werder Bremenit, ku do të ketë mundësi të luajë më shumë dhe të fitojë eksperiencë, pasi Solskjaer nuk ka vend në formacion për të.
Chong iu bashkua Mancehster United në verën e 2016-ës dhe pas dy sezonesh në ekipin e të rinjve, debutoi në skuadrën e parë, por ka gjetur shumë pak hapësira dhe tani në moshën 21-vjeçare është gati të bëjë hapin e madh në karrierë me skuadrën që militon në Bundesligën gjermane.