Manchester United është duke u rikthyer fuqimisht mes ekipeve më të mira të Europës, nën drejtimin e Jose Mourinhos. Klubi ka shpenzuar shifra tepër të larta për të afruar futbollistë të rinj dhe të fortë, siç ishte rasti i Pogba, Lukaku, etj.
Objektivi i radhës për ‘Djajtë e kuq’, duket se është sulmuesi argjentinas i Juventusit, Paulo Dybala, për të cilin drejtuesit e Manchester United janë të gatshëm të ofrojnë plot 155 milionë paund. Dybala është duke kaluar një formë të shkëlqyer te Juventusi, ku është shndërruar në një makineri golash, me plot 12 të tillë në tetë ndeshjet e para sezonale.
Sponsori kryesor I kalimit të 23 vjeçarit te United, duket se është Paul Pogba, I cili I ka bërë thirrje drejtuesve të klubit anglez që ‘të nxjerrin bllokun e çeqeve’, për të paguar kartonin e argjentinasit. “Nuk jam aspak i surprizuar me formën e Dybala. Unë e thërras gjithmonë ‘Katror R2’, si kombinimi i përdorur në Play Station për të bërë një rrotullim dhe goditur portën, sepse Paulo shënon gjithmonë me atë lëvizje”, u shpreh Pogba para pak ditësh.
