Connect with us

Hi, what are you looking for?

Lajme

Manaj nuk mjafton, Shpresa ‘vret’ shpresat për kualifikim

Shqipëria e 21-vjeçarëve ka dalë e zhgënjyer nga ndeshja eliminatore e Euro 2019, ndaj Sllovakisë, takim të cilin e humbi me përmbysje 2-3.

Skuadra e Bushit kontrolloi mirë lojën, ndonëse dukej qartë që terreni i rënduar nuk ishte aspak aleat i futbollistëve shqiptarë, të cilët nuk mund të shpalosnin aftësitë e tyre teknike. Nga ana tjetër, sllovakët kërcënuan vetëm në një rast nga distance, por që topi u grushtua nga portieri shkodran Alen Sherri.

Në minutën e 44-t, një aksion i bukur i kuqezinjve dhe një shkëmbim topi mes Cekës dhe Manajt, bëri që sulmuesi lushnjar të zhbllokojë rezultatin dhe të çojë skuadrën në dhomat e zhveshjes, në avantazhin e një goli.

Në fillimin e pjesës së dytë, Spalek barazon rezultatin, pas një krosimi të ardhur në zonë, që la të shtangur mbrojtësit e skuadrës së Bushit.

Gjithsesi, kuqezinjtë u kundërpërgjigjën menjëherë pas 5 minutash, kur Taulant Seferi doli bukur në krah të djathtë dhe u fut në zonë, ku shërbeu sërish për Manajt dhe ky i fundit riktheu edhe njëherë Shqipërinë në avantazh.

Me kalimin e minutave, terreni rëndohej akoma më shumë dhe kuqezinjtë filluan të japin shenja lodhjeje. Kjo u shfrytëzua nga miqtë, që në minutën e 80’ kapën edhe njëherë në befasi kuqezinjtë dhe barazuan rezultatin.

Sllovakët, dukshëm më të freskët fizikisht në minutat e fundit, arritën të gjejnë edhe avantazhin, pas një rrëmuje në zonë në minutën e 87’, kur Mraz dërgoi sërish topin në rrjetën e portës së Sherrit.

Përfundon 2-3 dhe tashmë Shpresat e Bushit komplikojnë tërësisht rrugën për arritjen e objektivit, që është vendi i dytë, pasi tani skuadra mbetet në vendin e 5-të të renditjes, me 6 pikë në po kaq takime.

Shqipëria U-21 do të luajë ndeshjen e ardhshme sërish ndaj sllovakëve, por këtë herë në Sllovaki, më datë 27 Mars.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...