Manchester City i rikthehet fitores në Premier League pas barazimit 0-0 në fushën e Crystal Palace, që prishi serinë e sukseseve radhazi të “Citizens”. Në takimin e parë të 2018-ës formacioni i Pep Guaridolës mposhti 3-1 Watfordin në “Etihad Stadium” dhe e mban në 15 pikë diferencën me Manchester United.
Kur kishin kaluar vetëm 38 sekonda lojë zhbllokoi për vendasit Sterling, i shërbyer nga Mane, ndërsa në të 13-ën Kabasele devijoi në portën e tij për golin e 2-0. Sergio Aguero e pati të thjeshtë të realizonte në të 63-tën, duke hipotekuar suksesin e City-t, ndërsa në minutën e 82-tënGray shënoi për Watfordin golin që do të vlente vetëm për statistikë.
Në takimet e tjera Swansea u mposht 0-2 nga Tottenhami me gola të Lllorenetes dhe Dele Allit, West Ham kaloi 2-1 West Brom, ndërsa Southampton u mposht nga Crystal Palace 1-2.