Sikur të mos mjaftonin miliardat e sheikut Mansur bin Zayd Al Nahyan, në arkat e Manchester United do të derdhen lumenj të tjerë me para. Klubi anglez ka zyrtarizuar marrëveshjen me sponsorin e ri teknik, Puma, për 10 vitet e ardhshme, për një total prej 750 milionë eurosh, pra 75 milionë në sezon.
Sponsori paraardhës, Nike, u jepte Citizens vetëm 24 milionë euro në vit, çka do të thotë se më marrëveshjen e re kemi trefishim të shumës totale që përfiton klubi anglez.
Mes futbollistëve të City-t Puma ka kontrata individuale me emra të tillë si Kompany, Aguero dhe Silva, por kompania e njohur gjermane e veshjeve sportive synon të arrijë marrëveshje edhe me Sané dhe De Bruyne.
Kontrata më fitimprurëse se Manchester City me sponsorët teknike kanë vetëm Barcelona (116 milionë euro në sezon me Nike 2018-2028) dhe Manchester United (88 milionë euro në sezon me Adidas 2015-2025).