Diogo Dalot, Luke Shaw, Fred dhe Marcus Rashford (i cili do të jetë lojtari anglez më i paguar në Premier League) do të qëndrojnë në Manchester United të paktën deri më 30 qershor 2024.
Klubi i njohur anglez ka ushtruar opsionin e rinovimit të njëanshëm për një vit tjetër. Njoftimi u bë sot në mëngjes trajneri Erik ten Hag në një konferencë për shtypin:
“Jemi të lumtur, sepse po shkojmë në drejtimin e duhur dhe këta lojtarë kanë kontribuar shumë në rezultatet pozitive të fundit. Ne duam të ndërtojmë një ekip për të ardhmen dhe këta lojtarë duhet të jenë pjesë e saj”.
