Manchester United nuk i ndahet Danny Rose. Gjatë merkatos që lamë pas emri i mbrojtësit të Tottenhamit ishte një ndër më të kërkuarit nga tekniku portugez Jose Mourinho. Bisedimet ishin konkrete, por palët nuk arritën të gjenin gjuhën e përbashkët. Sidoqoftë, drejtuesit e “Djajve të Kuq” nuk janë dorëzuar, pasi ashtu edhe sic raportojnë mediat britanike, gjatë merkatos dimërore United do të hidhet sërish në sulm për të siguruar shërbimet e 27-vjecarit. Arritja e marrëveshjes nuk duket edhe aq e thjeshtë pasi në ndjekje të Rose është edhe Chelsea. Diferencën pritet ta bëjë cmimi i ofruar nga secili klub për futbollistin në fjalë, por nuk mund të anashkalohet edhe dëshira e Rose.
Në janar Chelsea dhe Manchester United do të jenë përballë njëri-tjetrit në një tjetër betejë të ashpër, por jashtë fushës së blertë.