Connect with us

Hi, what are you looking for?

Merkato

Manchester United i rrëmben në momentin e fundit Lyonit talentin holandez

Manchester United ka arritur marrëveshjen me Tyrell Malacia pasi mposhti konkurrencën e Olympique Lyonit në momentet e fundit. Mbrojtësi i majtë pritet të bëhet transferimi i parë i 20 herë kampionëve të Anglisë në merkaton e verës, me Feyenoordin që ka pranuar ofertën 14 milionë paundë  për 22-vjeçarin.

Francezët e Lyonit kishin rënë parimisht dakord për transferimin e lojtarit të kombëtares holandeze për 12 milionë  paundë, por një  kthesë  e papritur e minutave të  fundit ka ndryshuar në  mënyrë  dramatike çështjen e futbollistit.

Mbrojtësi i Feyenoordit ishte ndër lojtarët më  të spikatur në Eredivisie në sezonin e fundit, teksa u aktivizua në 32 ndeshje, duke realizuar një gol dhe duke regjistruar katër asiste, ndërkohë që shquhet për karakteristikat e tij sulmuese. Ai është  lojtari i vetëm në  Evropë që shënoi një mesatare prej 1.5 goditjesh dhe driblimesh për ndeshje, cilësi të  cilat nuk i kanë  shpëtuar trajnerit Erik ten Hag, që  dëshiron të instalojë  futbollin e tij ofensiv në  “Old Trafford”.

Pas arritjes së  akordit mes klubeve pritet vetëm miratimi nga ana e 22-vjeçarit, që  admirohet nga tekniku holandez i “Djajve të  Kuq”. Nr.1 i Manchester United kishte prioritet kryesor përforcimin e krahut të majtë të mbrojtjes dhe me Alex Telles që  pritet të largohet, Malacia do të jetë lojtari që  do të konkurrojë  me Luke Shaw për një vend në formacionin e parë.

 

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...