Manchester United bën detyrën në “Old Trafford” përballë Newcastle, duke fituar me rezultatin 3-1. “Djajtë e Kuq” rifitojnë pozicionin e dytë me 49 pikë, aq sa ka grumbulluar edhe Leicester City, por me golaverazh më të mirë. Diferenca me rivalët e Cityt-t, që kryesojnë Premier League-n, rikthehet 10 pikë.
Marcus Rashford shënoi golin e parë të sfidës pa u mbushur gjysmë ore lojë, por kundërpërgjigjja e Newcastle ishte e shpejtë me Saint-Maximin, i cili ktheu ekuilibrat në rezultat vetëm gjashtë minuta më vonë.
Në pjesën e dytë United e dominoi kundërshtarin, duke shënuar dy gola me James (57’) dhe Bruno Fernandes me 11-metërsh (75’).
Për Newcastle kjo ishte humbja e dytë radhazi, ecuri që e mban në një pozitë delikate pranë zonës së rënies nga kategoria.
