Ansu Fati e nisi sezonin e ri me Barcelonën në rolin e protagonistit absolut. Në fitoren 4-0 ndaj Villarrealit, shënoi dygolësh si dhe fitoi një 11-metërsh që u shndërrua në gol nga Lionen Messi. Mediet në Spanjë zbulojnë se për talentin e “blaugranave” dhe përfaqësueses së Spanjës ka patur një interesim konkret nga Manchester United.
Barcelona refuzoi 150 milionë euro nga Manchester United për Ansu Fatin para se “xhevahiri” 17-vjeçar të nënshkruante✍️ kontratë të re në “Camp Nou”.
Sipas “Catalunya Radio”, “Djajtë e Kuq”, më pas, ishin të gatshëm të paguanin klauzolën e lirimit, por Barça i informoi se ajo ishte rritur në 400 milionë euro me nënshkrimin e marrëveshjen e tij të re.
