Connect with us

Hi, what are you looking for?

Merkato

Manchester United synon t’i rrëmbejë Juves “yllin” holandez

Manchester United është gati t’i ofrojë holandezit Matthijs de Ligt një rrugë shpëtimi nga Juventusi, nëse qendërmbrojtësi do të vazhdojë të vuajë në Serinë A.

Kështu shkruan “DailyMail”, që analizon situatën e 20-vjeçarit në radhët e “Zonjës së Vjetër”. De Ligt ishte një nga emrat më të lakuar në merkaton e futbollistëve verën e kaluar, por në fund ai hodhi poshtë ofertat e shumë klubeve të mëdha, për t’iu bashkuar Juventusit, që shpenzoi plot 67.5 milionë stërlina për ta shkëputur nga Ajaxi.

Sidoqoftë, “tulipani” nuk ka arritur të përshtatet si duhet gjatë sezonit të tij të parë dhe të vështirë në Serinë A. Ai e humbi vendin e titullarit, të cilin ia rrembeu Demiral, por lojtari turk u dëmtua në janar.

United, kuptohet, po e vëzhgon me shumë kujdes situatën dhe, në rast se Juvja do të të vendosë të shkurtojë shpenzimet (de Ligt është i dyti më i paguar, pas Ronaldos), do të hidhet në sulm për holandezin.

United ka mjaft alternativa në qendër të mbrojtjes. Verën e kaluar harxhoi 80 milionë stërlina për Harry Maguire, që iu bashkua në këtë pozicion emrave të tillë si Victor Lindelof, Eric Bailly, Axel Tuanzebe dhe Phil Jones. Sidoqoftë, me Chris Smalling të vendosur të largohet përfundimisht, pas një sezoni huazimi te Roma, dhe me Jones që ka të ngjarë ta ndjekë atë larg “Old Traffordit” gjatë verës, United mund hidhet sërish në treg për një tjetër qendërmbojtës.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...