Roberto Mancini debutoi në stolin e përfaqësueses së Italisë, me 3 ndeshje miqësore, ku fitoi, humbi dhe barazoi nga një. Përtej rezultateve, ajo që u vu re ishin fytyrat e shumta të grumbulluar në skuadër dhe një entuziazëm I lartë e dëshirë për të bërë mirë.
Do të jetë pikërisht Mario Balotelli, njëriu që do të udhëheqë projektin e Mancinit te Italia, një sulmues që u rikthye pikërisht nga tekniku nga Jesi dhe është gati të marrë përgjegjësi.
“Me Balotellin kam një raport shumë special, pasi e kam drejtuar në skuadra të ndryshme. Pavarësisht gabimeve që ka bërë, është vetëm 28 vjeç dhe besoj se është ende në kohë për të dhënë dhe marrë shumë nga futbolli. Më pëlqeu angazhimi I tij dhe dëshira për t’u bërë shembull për të rinjtë, gjatë këtyre ditëve të grumbullimit”, deklaroi Mancini.
Trajneri i ri i Italisë nuk i ka kursyer elozhet as për një nga futbollistët më premtues italianë, Frederico Chiesan, që gjithashtu ishte grumbulluar për miqësoret e maj-qershorit.
“Teksa shikoja Fredericon në fushë, kthehesha shumë vite pas në kohë. Ai ka të njëjtat lëvizje, driblime dhe stil loje me të atin e tij, Enricon. Këtë sezon nuk shënoi shumë, por pres që të shpërthejë nga momenti në moment, pasi I ka të gjitha mundësitë për at bërë këtë. Do të shndërrohet në një yll të madh”, tha Mancini.