Connect with us

Hi, what are you looking for?

Nations League

Mancini në telashe para Anglisë, mungojnë të gjithë sulmuesit e Europianit

Italia do të zbresë në fushë mbrëmjen e sotme për t’u përballur me Anglinë në një klasike të futbollit që do të luhet në një stadium mitik si “San Siro” në Milano.

Më shumë se një vit më parë, dy skuadrat u përballën në finalen e Kampionatit Europian në “Wembley”, aty ku të kaltrit u shpallën edhe kampionë të kontinentit, megjithatë në prag të sfidës së sotme, Roberto Mancini do të duhet të bëjë pa shumë prej futbollistëve që kishte në dispozicion në korrikun e vitit të kaluar.

Kështu në mbrojtje, përveç Giorgio Chiellinit që e ka mbyllur kapitullin me kombëtaren, do të mungojnë edhe dy anësorët, Alessandro Florenzi e Leonardo Spinazzola, të cilët janë të dëmtuar dhe kanë lënë grumbullimin.

Në mesfushë mungojnë Manuel Locatelli e Marco Verratti, të dëmtuar, teksa nuk ia dolën të vihen në dispozicion të trajnerit as Lorenzo Pellegrini e Sandro Tonali, të cilët u ftuan për këtë takim, por u larguan sërish pasi ishin të dëmtuar.

Edhe më të shumta janë mungesat në sulm, pasi nuk është në dispozicion të Mancinit asnjë prej atyre që ishin përzgjedhur për të përfaqësuar Italinë në Euro 2020. Kështu Berardi e Chiesa janë të dëmtuar, ndërsa Insigne mungon për probleme familjare dhe Immobile u largua nga grumbullimi për shkak dëmtimi.

Po ashtu Mancini nuk u dërgoi ftesë as emrave si Bernardeschi, Belotti, Zaniolo e Zacagni, ndaj do të duhet t’u besojë emrave të rinj si Scamacca, Raspadori, Gnonto, Espozito, etj.

Formacioni i mundshëm i Italisë: Donnarumma; Di Lorenzo, Bonucci, Bastoni, Emerson Pamieri; Barella, Jorginho, Pobega; Gabbiadini, Scamacca, Raspadori.

Lajme të tjera

Kosovë

Aventurë e re për Arijanet Muric, portierin titullar të përfaqësueses së Kosovës. 25-vjeçari dardan do të jetë pjesë e Ipswichit në katër sezonet e...

Ligue 1

Joao Nevesit do të jetë goditja e madhe e PSG-së në mesfushë. Talenti portugez kërkohet me ngulm nga trajneri Luis Enrique. 19-vjeçari është pjesë...

La Liga

Pedri, ishte mungesa e madhe e Spanjës në ndeshjet më të rëndësishme të Euro 2024, me mesfushorin që u dëmtua pas një përplasje të...

Angli

Manchester United vazhdon të jetë aktiv në merkato dhe pas zyrtarizmit të sulmuesit Joshua Zirkzee, tashmë fokusi kryesor është kthyer në repartin e mbrojtjes....