Duke parë problemet e shumta në mesfushë, sidomos nga dëmtimet e shpeshta, te Juventusi po mendojnë për një goditje në merkaton e janarit për këtë repart por që nuk do të ketë kosto. Bëhet fjalë për Rolando Mandragorën që është në pronësi të bardhezinjëve por i huazuar këtë sezon te Crotone ku po shkëlqen me paraqitjet e tij. Marotta mendon ta kthejë te Juventusi 6 muaj para kohe ndërsa Allegri do t’i japë disa mundësi në formacion pasi skuadra po lufton në tre fronte, kampionat, kupë dhe Champions league.
