Juventus po shtyn të bindë Mario Mandzukiç të pranojë transferimin në Katar, pasi kështu do të largonte nga skuadra një futbollist që nuk bën pjesë në planet e trajnerit dhe njëkohësisht do të arkëtonte një shifër prej rreth 10 milionë eurosh.
Megjithatë kur ka mbetur edhe një javë nga mbyllja e merkatos në Katar, sulmuesi kroat vazhdon të bëjë rezistencë dhe të refuzojë kalimin atje, ndonëse Sarri e lë jashtë skuadrës prej dy javësh dhe duket se do ta bëjë deri më 30 shtator.
Sipas mediave italiane, Mandzukiç është gati t’i “shpallë luftë” Juves dhe të kërkojë të largohet si lojtar i lirë në muajin janar, për t’u transferuar në Premier League ,atje ku Manchester United është gati t’i ofrojë një kontratë dy vjeçare me një pagë prej 5 milionë eurosh në sezon.
Gjithsesi vlen të theksohet se “djajtë e kuq” nuk kanë ndërmend të paguajnë për kartonin e kroatit, më shumë se ndonjë shifër simbolike prej 2-3 mln eurosh dhe do të shfrytëzojnë situatën e krijuar, për të finalizuar me sukses operacionin.
