Manu Ginobili i jep fund karrierës si basketbollist. Argjentinasi ka njoftuar tërheqjen nga sporti i koshit në moshën 41-vjeçare, pavarësisht se kishte edhe një vit kontratë me San Antonio Spurs. Kaloi plot 16 sezone në NBA, të gjitha me San Antonion, skuadër me të cilën fitoi 4 tituj kampion në vitet 2003, 2005, 2007 dhe 2014.
Ginobili ka shkruar historinë me skuadrën teksane me plot 1057 ndeshje të zhvilluara dhe plot 14043 pikë të shënuara. Ishte vërter flamuri i Suprs.
“Sot mes shumë emocionesh dhe ndjenjash po njoftoj tërheqjen time nga Basketbolli. Falenderime të pafundme për të gjithë, familjen, miqtë dhe shokët e skuadrës, trajnerë dhe tifozë, të gjithë ata që janë përfshirë në karrierën time 23-vjeçare. Ishte një udhëtim përrallor,” ishte mesazhi i Ginobilit në Twitter.