Pas katër fitoreve radhazi, Shkupi është ndalur në një barazim pa gola në transfertë ndaj Renovës. Edhe pse kërkuan të dilnin me pikët e plota për të vazhduar rrugën drejt titullit kampion, miqtë nu kia dolën të konkretizonin rastet.
Megjithatë, pavarësisht barazimit, Shkupi ruan i qetë kryesimin e kampionatit me 52 pikë, dhjetë më shumë nga ndjekësit më të afërt Akademija Pandev. Në anë tjetër, Renova mbetet në vendin e gjashtë me 32 pikë. Sakaq, Shkëndija u mposht në transfertë me rezultatin 2-1 nga Rabotnicki. Tetovarët e gjeten veten në disavantazh që në minutën e parë, por reaguan duke barazuar përkohësisht shifrat me anë të Shalës në minutën e 25.
Por, në fraksionin e dytë, pësuan sërish në minutën e 52 dhe më pas rezultati nuk ndryshoi. Pas kësaj disfate, Shkëndija mbetet në vendin e tretë të kampionatit me 41 pikë, teksa Rabotnicki mban vendin e shtatë me 31 pikë. Në ndeshjet e tjera, Struga është mposhtur në shtëpi 1-3 ndaj Makedonija GP, ndërsa Akademija Pandev fitoi me rezultatin 5-0 ndaj Borec.
Rezultatet:
Klasifikimi: