Diego Armando Maradona ka vendosur të largohet nga drejtimi i skuadrës meksikane Sinaloa Dorados, pasi ka probleme shëndetësore dhe duhet t’u nënshtrohet dy ndërhyrjeve kirurgjikale, në gju dhe në shpinë.
Lajmin e ka dhënë menaxheri i Maradonës, Matias Morla, i cili në një deklaratë në rrjetet sociale tha se legjenda argjentinase ishte këshilluar nga mjekët, që t’i përkushtohej më shumë shëndetit në këto momente.
“Deigo ka vendosur të mos jetë më trajner i parë i Dorados. Mjekët i kanë këshilluar të kujdeset më shumë për shëndetin dhe tani po vlerësohen dy ndërhyrje kirurgjikale, në shpinë dhe në gju. I jemi mirënjohës familjes Dorados dhe do të vazhdojmë ëndrrën tonë së bashku, në një moment të dytë”, shkroi menaxheri i Maradonës në Twitter.