Diego Armando Maradona vijon sulmet e tij ndaj kapitenit të Interit, Mauro Icardi. Legjenda e futbollit argjentinas ka thënë se me qershorin që po afrohet, Argjentina ka probleme me numrin 9, pasi nuk ka asnjë lojtar të mirëfilltë në atë pozicion.
“Sampaoli është një gënjeshtar, pasi nuk e thotë të vërtetën, se na mungon numri 9. Icardi është skarco dhe nuk meriton të luajë titullar. Ai di vetëm të shk9ojë të drekojë në shtëpinë e shokëve (i referohet drekës në shtëpinë e Maxi Lopezit, kur ky i fundit ishte martuar me Wanda Narën). Më mirë preferoj Benedeton, ose t’i japim një tjetër shans Higuainit apo Tevezit”, u shpreh Maradona.
Ish napolitani është përplasur shpesh në distancë me Icardin, por edhe bashkëshorten e tij, pasi Maradona nuk e ka honepsur kurrë martesën e sulmuesit me Wanda Narën.
