Michy Batshuayi mund të qëndrojë te Valencia deri në fund të sezonit, pavarësisht zërave që flisnin për një rikthim të tij te Chelsea që në janar.
Lajmi u bë i ditur nga vet tekniku i skuadrës galiciane, Marcelino Garcia Toral, sipas të cilit ende nuk është vendosur nëse sulmuesi belg do të largohet apo jo.
Marcelino pranoi se u përfol për një kalim të 25-vjeçarit te Monaco, pasi të rikthehej fillimisht te Chelsea, që zotëron kartonin e tij, por londinezët e refuzuan huazimin e tij në Principatë.
Trajneri i Valencias pohoi se qëndrimi i sulmuesit në Spanjë varet nga dëshira e Batshuayit, por mbi të gjitha nga vendimi i vetë teknikut, që po studion këtë opsion.