Presidenti i Ferrarit Sergio Marchionne kërkon të rikthejë entuziazmin në shtëpinë e “Kokëkuqes” pas dështimit në Cmimin e Madh të Japonisë. Sipas tij, Mercedesi nuk ka asgjë më shumë se Ferrari, kështu që skuadra italiane nuk duhet të ndihet e humbur në këtë sezon.
“Nuk dua të bëj arrogantin, por bësoj se jemi në të njëjtin nivel, për të mos thënë më lart, me Mercedesin. Nuk dua të flas për fatin e keq, e rëndësishme është që të mos e humbasim besimin në katër garat e mbetura të vitit. Të mos harrojmë se vitin e kaluar askush nuk do të guxonte të vinte bast se Ferrari do të ishte këtu ku është sot. Sezoni nuk ka përfunduar, kemi ende kohë për të rikuperuar. Mendoj se në katër cmimet e mëdha të mbetura, do ta ngushtojnë shumë diferencën me Mercedesin.
Në lidhje me problemin që shkaktoi në Japoni një kandeletë, që kushton vetëm 59 euro, Marchione u shpreh se bëhet fjalë për një cmenduri teknike, por që i kushtoi shtrenjtë Ferrarit.