Aktualisht është i angazhuar me Francën në Euro 2020, por së shpejti Marcus Thuram do të duhet të vendosë se ku do të jetë e ardhmja e tij. Duket se djali i legjendës, Lilian Thuram ka vendosur të largohet nga Borussia Monchengladbach dhe sipas shtypit francez ai është kthyer në prioritet për Tottenham, me të cilët ai tashmë ka hyrë në negociata. Sulmuesi 23-vjeçar ende ka edhe 2 vite të mbetura në kontratë me klubin gjerman dhe ka një klauzolë që mund ta lirojë atë për 30 milion euro.