Debutim i hidhur për Maria Sharapovën në Wimbledon, më grand slemin e tretë të madh të vitit. Në fushën me bar të turneut të Londrës, tenistja ruse, numri 22 në renditjen e përgjithshme, u mposht 2-1 me sete nga bashkëkombësja e saj, Vitalia Diatchenko. Fituesja e Wimbledonit në vitin 2004 mundi të merrte vetëm setin e parë me “tiebreak” (6-7), por u thye me të njëjtat shifra (7-6) në setin e dytë si dhe u dorëzua 4-6 në të tretin. 3 orë e 11 minuta zgjati kjo përballje, me gabime të shumta nga të dyja tenistet, por në fund ajo që u hidhërua ishte Sharapova. Ish-numri 1 në botë në 5 periudha të ndryshme pagoi lojën e dobët në setin e dytë, teksa nuk arriti të administronte epërsinë 5-2, duke u thyer në shërbim në lojën e 9-të.
