Një ditë pas komunikimit të largimit të tij të menjëhershëm nga Juventusi, Beppe Marotta rikthehet të flasë për të ardhmen e tij e cila do të jetë larg klubit bardhezi, por jo larg futbollit. Në një intervistë Marotta ka përjashtuar çdo hipotezë për të marrë një post drejtuesi në Federatën Italiane të Futbollit, por ndërkohë ka lënë të hapur mundësinë për t’iu bashkuar një klubi të madh. “ Punoj prej 40 vitesh pa u ndalur asnjëherë, kjo është hera e parë që ndalem në aktivitet e sipër, sezonin e ardhshëm do të dëshiroja të prezantohesha në drejtimin e një tjetër skuadra të madhe”, deklaroi ish drejtori i përgjithshëm i Juves. Në Itali flitet për Napolin, Interin dhe Romën por ndoshta e ardhmja e Marottës mund të jetë edhe larg Serie A.
