Marquinhos është një nga lojtarët më të rëndësishëm të Paris Saint Germain dhe jo më kot klubi ka kthyer mbrapsht çdo tentativë të ekipeve të mëdha për brazilianin. 25-vjeçari ka një kontratë deri në vitin 2022 dhe drejtuesit duan t’i paraprijnë që tani çdo situate që mund ta çonte lojtarin me vetëm 2 vite kontratë ndaj dhe kanë nisur bisedimet për rinovimin deri në vitin 2024. Raportet e mbrojtësit brazilian me trajnerin dhe drejtuesit janë shumë të mira ndaj dhe firma në kontratën e re do të jetë vetëm çështje kohe.