Spektakël, 4 gola dhe shumë raste, por sfida Marseille-Monaco nuk arriti të prodhojë asnjë fitues. Në ‘Velodrome’ luhej dueli për Championsin, ndërsa barazimi duket se i kënaq të dyja skuadrat, që bashkë me Lyonin, mbeten në garë për t’u renditur pozitat që të kualifikojnë për në Ligën e Kampionëve.
Takimi filloi menjëherë agresiv ndërsa Monaco gjeti shumë shpejt avantazhin me anë të Balde, por po kaq shpejt u përgjigj Marseille me anë të Rami. E njëjta tablo edhe në fillim të 45-minutëshit të dytë, ku fillimisht Germain kaloi në avantazh vendasit dhe më pas Fabinho barazoi për skuadrën e Jardim.
– Marseille 2-2 Monaco
90′ – Akordohen 3 minuta shtesë
86′ – Bouna Sarr i Marseilles, ndërhyn me takë dhe ndëshkohet
84′ – Largohet kapiteni Payet dhe në fushë futet Clinton N’jie
79′ – Germain ka një mundësi të shkëlqyer, por goditja grushtohet nga Subasiç
70′ – Ndëshkohet edhe Sanson për Marseille
69′ – Edhe Jardim kryen zëvendësimin e parë. Largohet Ghezal dhe në fushë futet Rony Lopes
66′ – Payet godet rrezikshëm, por topi devijohet nga mbrojtja e Monacos dhe shkon në këndore
59′ – Sanson godet rrezikshëm në hyrje tëzonës dhe topi kalon ngjitur me shtyllën, me portierin Subasiç që ishte i dorëzuar. Marseille pranë avantazhit
56′ – Jemmerson shënon për Monacon, por arbitri anësor akordon pozicion jashtë loje
51′ – Fabinhoooo. Barazon menjëherë Monaco. Mesfushori brazilian shënon një gol fantastik pas një kombinimi me Keita Balde
49′ – Zambo Andre-Franck zë vendin e Lucas Ocampos te Marseille
47′ – Germain kalon Marseillen në avantazh. Sulmuesi shënon një gol të bukur me kokë, pas ekzekutimit të një faulli nga Payet
– Nga këmbët e Germain starton edhe pjesa e dytë
Mbyllet në barazim 1-1, pjesa e parë
46′ – Ghezal ndëshkohet për një faull të panevojshëm në sulm
42′ – Payet godet kërcënueshëm, por topi grushtohet mjaft mirë në këndore nga portieri i Monacos
39′ – Luis Gustavo teston aftësitë e Subasiç, por portieri i Monacos pret pa vështirësi
36′ – Ndëshkohet edhe Payet, për faull ndaj Glik
34′ – Payet ekzekuton faullin dhe Subasiç komplikon gjithçka me daljen e gabuar, por Glik spastron zonën
33′ – Glik bëhet i ndëshkuari i parë
33′ – Sakai plaset në tokë nga Glik dhe merr ndihmën mjekësore
29′ – Mundësi e shkëlqyer për Marseillen, por Payet bën më të vështirën, pasi pak metra larg portës, godet mbi traversë
22′ – Këndore për Monacon, por ekzekutimi nuk sjell asnjë rrezik për portierin e vendasve
20′ – Tjetër faull në afërsi të zonës për Marseille, por sërish Payet gabon në krosim
16′ – Sidibe merr ndihmën mjekësore, pas një përplasjeje me Germain
13′ – Sidibe shkakton një faull, që ekzekutohet nga Payet, por pa problem për portën e Monacos
6′ – Goooool. Rami korigjon menjëherë gabimin dhe në aksionin e parë të vendasve, futet në zonë dhe shënon me kokë, duke barazuar shifrat
4′ – Keita Baldeeeeeeee. Ish sulmuesi i Lazios kalon në avantazh Monacon. Aksioni nis nga Fabinho, ndërsa Balde shfrytëzon një gabim të Rami në pozicionim dhe pasi del vetëm me portierin, shënon golin e avantazhit.
3′ – Rasti i parë i rrezikshëm i takon miqve, që i afrohen golit me kapitenin Falcao, por topi përfundon jashtë
– Sfida starton me Monaco, që luan topin e parë
Formacionet zyrtare: