Marseille ka marrë 3 pikë të vlefshme në takimin me Lorient, të cilin e fitoi me përmbysje me rezultatin 3-1.
Vendasit diktuan ritmin e sfidës, ndonëse ishin miqtë ata që gjetën të parët rrugën drejt rrjetës, duke zhbllokuar sfidën me Moffi në minutën e 29’.
Marseille ia doli që të gjente barazimin në minutën e 38’ me Kolasinac, duke e mbyllur pjesën e parë të sfidës në “paqe”.
Më pas në minutën e 53’ vendasit shënuan golin e dytë me Sanchez duke marrë avantazhin, ndërsa Veretout në minutën e 59’ i dhuroi golin e tretë Marseilles dhe njëkohësisht vulosi rezultatin e këtij takimi.
Pas raundit të 19-të të Ligue 1, Marseille shkon në kuotën e 42 pikëve në vend të tretë, teksa Lorient qëndron në vend të gjashtë me 32 pikë.
Ndërkohë më herët u zhvillua edhe sfida mes Lens dhe Auxerre me vendasit që morën fitoren minimale 1-0 falë golit të Frankowskit që realizoi nga pika e bardhë e penalltisë në minutën e 59’.
Me këtë fitore Lens vijon të qëndrojë bindshëm në garën për titull, duke u renditur në vend të dytë me 44 pikë, 3 më pak se PSG kryesuese, por me këta të fundit që numërojnë një ndeshje më pak.
Teksa Auxerre nga ana tjetër renditet në vend të 18-të ose në zonën e rrezikut me 13 pikë,
