Anthony Martial ishte heroi i Manchester United-it, në fitoren e sotme ndaj një kundërshtari mjaft të vështirë si Tottenham. Djaloshi francez u fut në fushë si zëvendësues dhe ia doli të gjejë rrugën e rrjetës dhe t’i japë skuadrës së tij një 3 pikësh me mjaft vlerë. Por duket se përveç golit, Martial ka edhe një mesazh për trajnerit portugez të ‘djajve të kuq’, Jose Mourinho.
“Unë dua të luaj, nuk më pëlqen aspak pankina. Si unë, edhe Rashford jemi duke bërë shumë mirë dhe trajneri mundohet të na japë sa më shumë minuta, por e ndiej që duhet të luaj më shumë”, tha Martial pas ndeshjes.
Nga ana tjetër, edhe Mourinho ka arsyetuar zgjedhjen e tij, që francezi të nisë disa prej ndeshjeve nga stoli, duke u shprehur se ka pasur takime, të cilat Martial i ka luajtur nga fillimi dhe nuk ia ka dalë të shënojë.