Emiliano Martinez ishte një nga protagonistët e Argjentinës në Kupën e Botës së Katarit. Portieri që aktivizohet me Aston Villa-n në Premier League, gjatë ditëve të Botërorit fitoi shumë fansa, por nga ana tjetër, shtoi edhe ata që nuk e durojnë dot për shkak të sjelljes së tij.
“Dibu” Martinez ashtu siç edhe njihet gjerësisht nga shokët e tij, u tall me Mbappe në më shumë se një rast, teksa diçka e tillë shkaktoi zemërim dhe së fundmi ai që reagon është mbrojtësi francez, Adil Rami. Ky i fundit u tregua i ashpër me Martinez duke theksuar se argjentinasi është futbollisti më m… në botën e futbollit.
“Është lojtari më m… në historinë e futbollit. mendoj se është njeriu më i urryer. Aq shumë i terrorizoi Mbappe sa më shumë po festojnë triumfin kundër Francës se faktin që janë Kampionë të Botës”, shkruan në rrjetet sociale Adil Rami.