Roberto Martinez është trajneri i ri i Portugalisë. Ish-trajneri i Belgjikës ka nënshkruar deri në vitin 2026 dhe është prezantuar sot në një konferencë për shtyp.
Pyetja e pare që iu bë lidhej me të ardhmen e Cristiano Ronaldos te kombëtarja e vendit të tij, ndërsa theksoi se CR7 meriton respekt.
“Vendimet e futbollit merren në fushë. Unë nuk i marr vendimet në zyrë. Pika ime e fillimit është lista e Kupës së Botës dhe Cristiano është në atë listë. Ai është në kombëtare për 19 vjet dhe meriton respekt. Ne do të ulemi dhe do të flasim me të gjithë duke filluar nga nesër”-tha Martinez.
