Edi Martini shpreh keqardhjen për dy pikët e lëna në fund nga Teuta përballë Luftëtarit. Trajneri i ekipit durrsak shprehet se futbollistët vendës duhet ta kishin mbyllur më herët ndeshjen.
“Duhet ta mbyllnim ndeshjen para kohe, mund të shkonim 2-0. E dinim që do ishte e vështirë. Këto ekipe si Luftëtari nuk kanë probleme rezultatin, ndryshe nga ne. Kemi punuar gjatë javës në aspektin psikologjik. Këtë ndeshje duhej ta fitonim. Duhej të kishim shënuar më shpejt. Luftëtari bëri një ndeshje të mirë. Jam i zhgënjyes se lamë 2 pikë. Pasojat vijnë më pas. Urojmë të mos i kemi. Vijmë pas ndeshjes me Tiranën, sot duhej të fitonim.
Përshtatja e sulmuesit Colubali: Është një lojtar që vrapon shumë për topat pas shpinë. Do kohën e vet të përshtatet, nuk është shkrirë me ekipin. Natyrisht që na del për detyrë që duhet ta shërbejmë më tepër.
Vështirësia për të gjetur golin: Është i gjithë ekipi në vështirësi, jo vetëm sulmi. Na vuri në vështirësi Luftëtari në mesfushë. Këtu marr përgjegjësitë e mia.