Kategoria Superiore

Martini: Në letër jemi favoritë, por duhet kujdes!

Teuta ka një shans të dytë për të ndryshuar tablon e kësaj verë ne Europë. Pas eleminimit në Champions përballë Sheriff Tiraspol, bregdetarët do të ndeshen në raundin e dytë në Conference League me Inter Escaldes, skuadera nga Andorra vend me një futboll inferior nga ai i yni, është një rival i kalueshëm po të kujtosh se dy javë më parë u eleminua në Champions nga Prishtina, megjithatë trajneri Edi Martini predikon kujdes.

“Në letër kemi shanse shumë për t’u kualifikuar, por letra nuk është gjithçka. Pavarësisht cilësive tona dhe të kundërshtarit, duhet të jemi 100% të mobilizuar në fushë. Është një ndeshje e fortë, e luftuar, të gjithë dinë të mbrojnë dhe të kundërsulmojnë mirë. Shanset janë më tepër për ne, por shpirti i garës bën diferencën. Do doja të mbyllnim llogaritë e kualifikimit që në ndeshjen e parë, por janë dy ndeshje për t’u luajtur. Të bëjmë sa më mirë ndeshjen e parë, por nuk duhet të mendojmë që mund t’ia dalim që në ndeshjen e parë, pasi janë dy ndeshje të vështira”. Situata është mjaft e mirë. Ndeshja e parë me Tiraspolin këtu, na vuri në dukje disa probleme që u munduam t’i riparojmë, në ndeshjen e dytë dhe gjatë javës këtu. Gjendja është e mirë, përveç Lorenco Vilës që ka dëmtim, pjesa tjetër është ok dhe jemi në gjendje optimale.”

Për sa i përket formacionit, dyshimi i vetëm është Lorenco Vila, që mbetet për tu parë nëse do ja dalë, ndërkohë që trajneri ka gati planin për të avancuar përballë skuadrës nga Andorra.

“Pothuajse 90% është i fiksuar formacioni, por mund të ketë ndonjë ndryshim deri nesër. Vila na ka nxjerrë disa probleme me mungesën e tij. Megjithatë, edhe lojtarët e tjerë do mundohen të bëjnë më të mirën, edhe ata që mund të futen si zëvendësues. Shpresojmë ta rregullojmë, që të mos ndihet mungesa e tij”. Kundërshtari? “E njohim, falë atyre dy ndeshjeve që kanë bërë në Shqipëri. I kemi parë. Duhet të bëjmë atë që dimë më mirë të bëjmë, të mos merremi shumë më mënyrën e lojës së kundërshtarit, por të bëjmë mirë lojën tonë: mënyrën e daljes në sulm apo përqendrimit maksimal që duhet të kemi në fushën e lojës. Shpresoj t’ia dalim.”

Të Fundit

EVENTET NË SUPERSPORT

To Top
Evolve Web Agency Evolve Web Agency