Mesfushori serb Nemanja Matic është gjithnjë e më pranë largimit nga Manchester United, pasi ka prishur tërësisht marrëdhëniet me trajnerin Ole Gunnar Solskjaer dhe tani pret vetëm përfundimin e kontratës që të ikë.
Sipas raportimeve të mediave angleze, mesfushori është stërvitur vetëm 24 minuta ditën e djeshme dhe më pas ka braktisur seancën, ndërsa më vonë nuk ka marrë pjesë as në darkën e skuadrës, por ka zgjedhur të darkojë me ish sulmuesin e Milanit Patrick Cutrone.
Sipas “Daily Mail”, serbi pritet që në janar t’i bashkohet Antonio Contes te Interi, pasi Manchester United do të pranonte ta linte të lirë, që në dimër, për të kursyer pagën e gjysmës së vitit të Matic, kontrata e të cilit skadon në qershor të 2020-ës.