Juventusi do të jetë skuadra që do ta fitojë sërish titullin në Serinë A. Është i bindur për suksesin e bardhezinjve blerja e verës, Blaise Matuidi, pavarësisht paraqitjes së jashtëzakonshme të Napolit në këtë fillim sezoni.
“Nuk jam aspak i surprizuar me ecurinë e Napolit. Ata po përmirësohen nga viti në vit, luajnë së bashku prej shumë kohësh dhe mendoj se do të jenë aty, në krye, deri në fund të sezonit, por gjithsesi titullin do ta fitojë Juventusi.”
Më përbushjen e misionit me Francën, që u kualifikua në finalet e botërorit, Matuidi e kthen fokusin në Serinë A, me Juven që duhet të kalojë Lazion në sfidën e së shtunës.
Do të jetë një përballje e bukur, por e vështirë. Ata kanë shumë besim, por ne luajmë në shtëpinë tonë dhe duam të fitojmë.
Ish-mesfushori i PSG beson se me paraqitjet e mira te bardhezinjtë do ta ketë më të lehtë për të qenë protagonist me Francën në “Rusi 2018”.
“Për mua është shumë i rëndësishëm besimi që më jep Allegri. Aktivizimi im te Juventusi përcakton edhe statusin tim te Franca.”