Max Rugova është afrimi më i ri i Prishtinës për sulmin. 19-vjeçari është djali i Edmond Rugovës, ish-futbollistit të Prishtinës, i plejadës së artë të viteve ’80.
I lindur në Kansas të SHBA, më 17.02.2000, 188 cm i gjatë, sulmuesi i krahut dhe i qendrës ka luajtur në Sporting Kansas City dhe në U-19 të Nurnberg më 2018/19, duke zhvilluar 16 ndeshje e duke shënuar 1 gol. Max ka qenë i grumbulluar edhe me U-19 të Kosovës.
Maxi mund të ketë të ardhme të ndritur në klubin e babait të tij, duhet durim, përkushtim dhe punë maksimale që një ditë të përsëritë suksesin e babait.
“Jam shumë krenar që do të jem pjesë e Prishtinës. Gjithmonë kam pasur dëshirë të jem në Prishtinës, sepse e di historinë e klubit ku ka luajtur babai im dhe e përsëris, kjo më bën krenar.
Nuk dua të flas shumë për vete, megjithëse mendoj se jam shumë kreativ, duke e dashuruar driblimin dhe dëshirën, sidomos për asiste.
Ka disa ditë jam me skuadrën, e njoh tani më ekipin, ka një trajner të respektueshëm dhe kam krijuar besimin se ky ekip mund ta fitoj titullin dhe shpresoj shumë të mposhtë edhe konkurrencën e madhe brenda skuadrës që edhe unë të mund të kontribuoj për suksesin e ekipit”, – deklaroi Max Rugova për faqen e klubit të Prishtinës.