Dy pikë në 6 ndeshjet e fundit dhe fitorja që mungon që prej 26 shtatorit kur mposhtte Milanin 2-1, kanë bërë që te Torino të mbizotërojë një atmosferë aspak e qetë, që është rënduar edhe më shumë me polemikat mes tifozërisë dhe trajnerit Mazzarri.
Tifozët “granata” reaguan javën e kaluar me një letër të hapur, ku kërkuan shkarkimin e Mazzarrit, duke renditur si arsye rezultatet e dobëta, mbylljen e qendrës stërvitore dhe marrjen si pikë referimi të kapitenit të Juves, Giorgio Chiellini.
Për të tentuar afrimitetin me fansat, Mazzarri vendosi të hapë dyert e qendrës stërvitore ditën e djeshme, por përballja me rreth 300 tifozë të Torinos, nuk shkoi aspak mirë. Këta të fundit sapo shkelën në “Filadelfia”, pyetën me ironi trajnerin se ku ishte Chiellini, ndërsa më pas i kërkuan edhe një ballafaqim, që u refuzua nga Mazzarri.